Ad hoc respondet, non ex invidia, sed ut se commendet,
id est, suam predicationem, dicitque: ab
his autem qui videbantur esse aliquid , id est, hi qui
videbantur esse aliquid, licet possem dicere quales,
scilicet viles, et, ut ego, peccatores essent, nihil tamen
mihi contulerunt.
14. Deus personam hominis non accipit . Hoc ideo
dicit, quia reprehendebatur quod prius persecutus
fuerat Ecclesiam, quasi hi qui modo sunt justi, et
sancti et magni apud omnes, non fuerint, sicut ego,
peccatores. Et hoc inde, quia Deus non est acceptor
personarum. Similiter ego, quamvis persecutor fuerim,
non debeo a vobis vilipendi.
15. AUGUST. ( Expos. ad Gal. ) Qui videbantur . Petrus
et Jacobus et Joannes honoratiores caeteris erant,
quia ipsis se in monte Dominus ostendit, in significatione
regni sui cum ante sex dies dixisset: Sunt
quidam de his stantibus qui non gustabunt mortem
donec videant Filium hominis in regno Patris sui
( Matth. XVI ).
16. ( ibid. ) Sed econtra cum vidissent , id est, econtrario
pro reprehensoribus approbatores perfectionis
fuerunt. Potest et sic esse ordo, sed econtra ut nos
quidem in gentes iremus, quae sunt contrariae
circumcisioni.
17. ( apud Bed. ) Dextras dederunt mihi . Dicit
venisse se Hierosolymam, et Evangelium cum apostolis
contulisse, dextras sibi datas fuisse, id est,
concordiae signum consonantiae, quod ab eis quae sibi
didicerant, in nihilo discrepabat.
18. LANFR. Barnabae societatis . Per hoc ostendit
se discipulorum Christi non fuisse discipulum; alioquin
non se socium vocaret.
19. AUGUST. (epist. 10 ad Hieron. , tom. II). Cum
venisset Cephas . Neque enim negamus in hac sententia
fuisse jam Petrum, in qua et Paulus fuit; non
itaque tunc eum quid in ea re verum esset, docebat,
sed ejus dissimulationem, qua gentes judaizare cogebantur,
|
|