XXIX. [Gimborosus] - Est Aqua mirandi nimium noua dicta lauacri
De Gimberosi nomine nomen habens.
Pene per octo gradus paciens descendit ad undam.
Circinat intus aquas per latus omne gradus.
Ylia componit; vetat in matrice dolorem.
Sanguineos fluxus in muliere vetat.
A superis exire cruor prohibetur et idem,
Ne fluat insolitus, inferiora fugit.
Vesicam curat quociens urina negatur:
Ulla patet melior renibus e[ss]e salus
Si lapides vel pilos, seu si paciantur arenam
Quolibet a morbo membra grauata iuuat.
|
1
5
10
|