sicut nuper accepimus, a fidei nostrae semitis
deviante, castrum praedictum in nostra
devotione fideliter perseveret, fidelitatem
tuam requirimus, mandantes expresse, quatenus
ejusdem negotii circumstantias diligenter advertens,
statim de consilio fidelium nostrorum
Thusciae, quorum magis videris expedire, vias
et modos operosus excogites, qualiter ad
recuperationem villae ipsius, ac efficacem
defensionem et observationem castri praefati
aggregatis auxiliis celeriter succurratur: inducturus
ad hoc efficaciter communia regionis
ipsius, et commune civitatis praecipue: ut si
unquam desiderant in personis et rebus
ac supplicationibus suis, coram nobis favorem
et gratiam invenire, statim circa recuperationem
ejusdem villae, tuitionem castri, et pacificationem
stratae, ac provinciae potenter et
viriliter intendentes fidem, quam ad nos et
Imperium habere tenentur ex debito, et eos
semper promptam hucusque novimus
habuisse per efficaciam operis fateantur.
Cap. XXIV.
Cuidam capitaneo suo, quod habito triumpho
de laboribus revocabit eum ad se.
Lectis gratanter literis tuis et diligenter
auditis singulis, quod nuncius et socius
tuus proposuit coram nobis, firmiter tenere