Proslogion.
Capitulum I.
Excitatio mentis ad contemplandum deum.
Eia nunc, homuncio, fuge paululum occupationes tuas, absconde te
modicum a tumultuosis cogitationibus tuis. Abice nunc onerosas curas,
et postpone laboriosas distentiones tuas. Vaca aliquantulum deo, et requiesce
aliquantulum in eo. " Intra in cubiculum " mentis tuae, exclude omnia
praeter deum et quee te invent ad quaerendum eum, et " clauso ostio " quaere
eum. Dic nunc, totum " cor meum ", dic nunc deo: " Quaero vultum tuum;
vultum tuum, domine, requiro ".
|
|