multos, abundet in gloriam Dei. Quasi diceret: Ad
hoc patimur ut exemplum patientiae a nobis discatis,
et Deo gratias referatis, et multi alii vobiscum.
CAP. V.—1. AUGUST. ( expos. psal. LXVIII, in
enar ., I part. tom. VIII.) Aedificationem ex Deo , id
est, immortalitatem praeparatam nobis, qua induendi
sumus in fine, cum resurrexerimus a mortuis, Et
ait: In quo nolumus exspoliari, sed supervestiri, ut
absorbeatur mortale a vita , si fieri potest; sic vellemus
fieri immortales ut jam veniret ipsa immortalitas,
et modo sicut sumus invitaret [ al ., mutaret] nos
ut mortale hoc nostrum absorberetur, non per mortem
corpus puniretur, ut in fine iterum reciperetur.
Quamvis ergo a malis ad bona transeamus, tamen
ipse transitus aliquantum amarus est.
2. AMBROS. Aedificationem . Corpus immortale significat,
cujus forma jam in coelis est, in Domini
corpore declarata.
3. Si tamen vestiti , id est, si exeuntes de corpore
Christum induti fuerimus. In Christo enim baptizati,
Christum induimus, sive Spiritu sancto erimus digni
super promissa coelesti gratia [ al ., quem cum
induti, sive Spiritu sancto dato nobis videbimus,
erimus digni superindui promissa coelesti gloria.]
4. Nam qui sumus in tabernaculo . Dicit nos gravatos
passionibus corporis, postulationes ad Deum dirigere,
ne simus nudi Spiritu sancto. Tunc enim
superindui gloria poterimus, si exuti corpore, non
despoliati a Spiritu sancto fuerimus; ac sic absorbebitur
mortale a vita, ne ultra possit mori, aut passionibus
implicari; non enim dicendum est absorberi
a vita, quia ad hoc surgit ut poenis arguatur
[ al ., agatur].
|
|