Petrus de Vinea: Epistole stravaganti e altri componimenti

Pag 355


stipulationis cautelam... latorem praesentium
qui arra est et solutio certa pro nobis, rogantes ut personam
nostram in persona recipiatis ipsius et in figura ejus
nostram effigiem habeatis, ipsum in omnibus, etc…
n. 60
P. de Vinea eidem significat imperatoris animum, suadens ei
quod cito veniat.
Cum omni devotione vidi litteras vestras et statum vestrum
juxta vota prosperum et salubrem ylariter intellexi;
desideria vestra non patiens ignorare quod communis
dominus noster serenissimus imperator, ut optatis, mente
et corpore prosperatur, remoto Aman procerum et aulae
turbine et ad ponendum. calcaneum in praesentia clericorum
in quos data sibi dudum potestas extitit coacto, ut
ab hiis quos per fas et nefas condempnaverat judicetur.
De Mardocheo vero qui se absentavit a curia imperatoris
impatientia sponsae suae omnes qui spem in eo posuimus,
pro absente languemus expectantes ut redeat et
suae praesentiae lenitate a pristinis affatibus excitata continuo
reficiat anxiatos. Usquequo, pater, vestris erit inutilis
mora vestra! Sane si sic expediit et ecclesiae etiam
votum exegit reditum vestrum, tempus est ut ad curiam
cujus estis alumpnus, quae diu vestri lactis alimenta suscepit,
mentis oculos revolvatis ubi cotidie reponebatis in
horreis Domini manipulos pietatis, pauperes et debiles,
pupillos et viduas misericorditer adjuvantes. Nec erat
insuper vestris inutilis status vester, qui clamant nec inveniunt
adiutorem. Haecce interim immature suadeo, nec
aliquid vestris infallibilibus propono consiliis, licet prae
oculis vestris cuncta quae iis adjacent adjiciam confidenter.
Caeterum ut pauca suggeram sapienti, multa locuta
famae subtrahenda sunt et linguis detrahentium occultanda.

Torna all'inizio