quod legitur. Versus autem qui lectiones precedit, illos speciales
predicatores respicit, a quibus alii quod predicant acceperunt.
Bene autem, qui cantat tertium responsorium dicit Gloriam, quia
tunc fides nostra plena est, cum ad noticiam summe Trinitatis pervenimus.
Si autem in tribus leccionibus, predicatio fidei, spei et caritatis
accipienda decernitur, in una, cultus unius Dei non minus
congruit veritati, presertim cum in veteri Testamento omnium iustorum
fuerit scire ista, fidem autem Trinitatis non nisi perfectorum
fuit. Secuntur post lecciones et responsoria alii sex psalmi cum alleluia,
quia cum iam per Dei adiutorium ab operibus malis obstinet
homo, quod est comessatio, iracundia, inanis gloria, superbia, luxuria,
invidia, incipit habere gaudium de acquisitione virtutum. Sex
psalmi primi nocturni sex tempora significant secundi status, in quibus
doctores missi sunt veluti per tres stationes hoc est, in diebus
apostolorum, in diebus doctorum, et in diebus monachorum, annuntiantes
dies gaudii et tempora vite. Sub prima denique antiphona
apostolorum et martirum; sub secunda confesorum, conversorum
et virginum; sub tertia, monachorum et continentium sacra
agmina continentur, veluti psalmi totidem cum antiphonis tribus.
Deinde, inter duo nocturna, leguntur in hyeme tres lecciones cum
responsoriis suis, in estate una tamen cum responsorio suo, quia sicut
iam alibi scripsisse me recolo, in hoc comuni tempore, quod agitur
inter duo nocturna, oportet aperiri occulta et archana misteria, ut
qualiter credendus sit Deus omnipotens trinus et unus, per ea que
in tribus statibus scripta sunt et scribi oportet, non iam in enigmate
ut in preteritis seculis, sed veluti facie ad faciem intelligatur, abolita
|
|