Iohannes Bononiensis: Summa notarie

Pag 711


sentenciam promulgamus, quam ex tunc eo ipso tu, decane,
et iidem canonici incurratis, si mandatum nostrum infra
dictum terminum non duxeritis adinplendum. dictamque londoniensem
ecclesiam, quousque in contumacia et
pertinacia ipsa steteritis, ecclesiastico supponimus interdicto,
reservata nobis nichilominus plena et libera potestate
prout crediderimus esse iustum alias in dicto negocio
procedendi.
In cuius rei etc.
VII.
Littere ad dominum cum operis dedicacione.
Reverendo in Christo patri et domino, suo speciali domino
I, dei gracia etc. I bononiensis notarius servitorum
suorum humillimus cum omni devocione se ipsum.
Ex nimie devocionis integritate, qua totaliter cor meum
involuitur, et instanter ad ea que vestrum honorem inspiciant
animus incitatur, sollicite me sollicitat et inducit, paternitatis
vestre conmodum totis intendere studiis, et dominacionis
profectibus cunctis affectibus aspirare.
Hinc est quod — cum sollempnem vestram curiam
deceat, tam in actis causarum conscribendis quam aliis
processibus iudicialibus sacrosanctam romanam ecclesiam
imitari, cuius stilus et forma non possunt sciri plenarie
nisi per illos qui huiusmodi exerciciis dediti in ipsa curia
diucius permanserunt, vosque nullum ex talibus ad presens
habeatis vobiscum — proposui et propositum per dei
graciam complevi, vobis aliquod opusculum scribere, per
quod possint in predictis exercitacionibus instrui et secundum
modum romane curie informari omnes qui in dicta

Torna all'inizio