: Itinerarium Federici secundi (Narratio qualiter imperator Federicus reaquisivit regnum s[ibi] rebel[latu]m quando accessit ad aquirendum Jerusalem et sepulcrum Cristi)

Pag 97


8. Deinde imperator venit Barum pro eo quod sibi scripserunt
quod eum volebant accipere. Et cum fuisset Barum mutaverunt
consilium et quandoque promitebant eum recipere et quandoque
negabant. Et tenuerunt eum in verbis multis diebus et deinde,
cum sua sapientia sic egit quod receptum est [e]t multis multa
mala distribuit et post hoc in porta civitatis ipsius in lapide
marmoreo hos versus fecit scribi:
Gens infida Bari: verbis tibi multa promittit,
que velut imprudens statim sua verba remittit.
Ideo quod dico tenebis corde pudico:
fac nudos enses studeas vitare Barenses;
cum tibi dicit ave, velut ab hoste cave.

Torna all'inizio