7. LANFR. Ut innotescat In cognoscendam sapientiam
Dei coelestes spiritus etiam profecerunt per
Ecclesiam, quia, dum eam Christus seu per se,
seu per apostolos suos instrueret, plurima secreta
didicerunt quae antea ignorabant.
8. Multiformis . Ordo: sapientia Dei multiformis
secundum sapientiam Dei, quae in propria natura
simplex est, secundum ordinem saeculorum multiformis
dicitur, eo quod ipsa saecula in ipso Dei ordine
multiformiter variantur.
9. Propter quod peto . Petit ne desperent de misericordia
Dei circa seipsos, videntes eum tanta
pati.
10. AMBROS. Propter quod peto . Omnia interjecit
ab eo, Paulus vinctus , usque ad hoc, propter quod
peto .
11. LANFR. Peto ne deficiatis . Utrumque noverat
alterutro indigere, et gloriam libero arbitrio, ubi
rogat ne deficiant; et liberum arbitrium dono gratiae,
ubi Deum rogat, ut det eis corroborationem.
12. AUGUST. (Serm. 7 De verb. Apost. , tom. X.)
Hujus rei gratia . Cujus rei gratia, nisi quae supra
dixerat, peto, non infirmari in tribulationibus meis
pro vobis, quae est gloria vestra. Quia ergo voluntatis
habetis arbitrium, peto. Quia vero vobis voluntatis
arbitrium non sufficit ad implendum quod
peto: Hujus rei gratia flecto genua mea ad Patrem .
13. LANFR. Paternitas in coelis . Coelos vocat spirituales
homines. Terram carnales. Ad Patrem , inquit,
flecto genua . Ex quo , id est, per quem nominantur
caeteri patres seu spirituales, seu carnales.
Qui enim fecit esse res quod sunt, ipse causa est ut
nominentur quod sunt. Aliter: ex quo , id est, cujus
similitudine nominantur patres spirituales, vel carnales.
Quia enim omnipotens Deus pro eo Pater
dicitur, vel quod Filium ex se generavit, vel quod
creata proprio moderamine gubernat et regit. Ex ea
|
|