praecipuum regni nostri pomerium omnium
vallari munimine, quo ademptis aditibus
hostium, fideles nostri ex omni parte
pulchritudine pacis virentes, veprium laesione
purgata, aemulorum jacturam non timeant,
cultui nostro crescant, juxta morem fructificent,
et antiqui fructus et puri pariant ubertatem.
Ex quibus revera causa consurgat potissima,
qua civitatem nostram flagellis
ad flagellum hostium, in eo situ fundari providimus,
quo infidelibus transitus habilior
cernebatur: ut ex ea seras hostibus et hostium
firmaremus, et in detrimentum eorum nostris
fidelibus pronius refugium habeatur. Quam
cum ad praesens munire moeniis nostra praecepit
celsitudo, fidelitati vestrae firmiter et
districte praecipiendo mandamus, quatenus
vota nostra vestraque commoda in his fideliter
prosequentes, executioni et ordinationi Rogerii
de Canalibus, fidelis nostri, quem [de
sui providentia et fidelitate confisi] super
hujusmodi negotio providimus deputandum
super constructione moeniorum ipsorum memori
devotione ac fide solita pareatis, in his
juxta ordinationem ipsius subventiones necessarias
praestituri: ut pro indesinenter exhibitis,
et devotius exhibendis, in praemii
laudabilioris effectum, munificentiae nostrae
gratia gaudeatis, dantes sibi ad requisitionem