3. ( In cap. V ad Gal. ) Circumcidenti se , etc.
Quod ideo dicit, ut vel terrore tam innumerabilium
observationum abstinerent se ab his quibus eos isti
subjugare cupiebant.
4. LANFR. Nam in Christo Jesu neque circumcisio .
Ex fide tantum justificatur, quia non per aliud; nam
neque per circumcisionem, neque per praeputium.
5. Fides quae per dilectionem . Et hic illud tetigit,
qui [ al. , quia] sub lege servitutis [ al. , servitus] per
timorem operatur.
6. Modicum fermentum , etc. Ne dicerent: Circumcidi
tantum possumus nos. Vel quidam illorum volebant
circumcidi, id est, modicum.
7. AUGUST. ( ibid. ) Modicum fermentum . Eos autem
paucos, qui ad illos veniebant, et isti [ al. , ut ista]
suaderent, quia cooperatione [ al. , in comparatione
multitudinis] Galatarum credentium exigui [ al. ,
exiguo] numero erant, fermentum appellat.
8. ( ibid. ) Ego autem . Intelligendum est fuisse
quosdam qui dicerent etiam ipsum Paulum id
sentire.
9. LANFR. Ego autem . Dicebatur Galatis a falsis
praedicatoribus, quod Paulus etiam Apostolus circumcisionem
praedicaret, et hanc suspicionem a se
removet; ideo enim a Judaeis persecutionem sustinebat,
quia circumcisionem improbabat, et per fidem
crucis justificari hominem asserebat. Unde et Judaei
adversus eum scandalizabantur; quod scandalum
evacuatum esset, si circumcidi debere fideles
praedicaret.
10. AUGUST. ( ibid. ) Ergo evacuatum est , id est,
sine causa Christum, cum ista contemneret, scandalizati
Judaei crucifixerunt si adhuc eis, pro quibus
crucifixus est, talia suadentur.
11. LANFR. Scandalum crucis . Quod propter vos
pertulit Christus, nihil prodest vobis, si circumcidi
velitis.
12. AUGUST. ( ibid. ) utinam et abscindantur . Elegantissima
ambiguitate, quasi sub specie maledictionis,
|
|