videlicet in terris laboratis sit tensum usque ad festum
omnium sanctorum et hoc sub poena in statutis suprascriptis
contenta.
CXIV. – DE TENSO DE SIGEZIO.
Item statuerunt et ordinaverunt quod nemus in Sigezio sit
tensum. Et hoc sub poena soldorum quinque imperialium pro
qualibet planta. Et quilibet fide dignus possit accusare.
CXV. – DE NON COLLIGENDO ALIQUAM DECIMAM.
Item statuerunt et ordinaverunt quod non sit aliqua persona
cuiuscumque conditionis existat in valle Diverii vel habitans
in dicta valle quae de cetero audeat nec praesumat colligere nec
colligi facere aliquam decimam in dicta valle Diverii palam
vel private nec dare nec praestare auxilium, consilium vel favorem
seu habitaculum alicui personae aliquo modo colligenti
decimas in dicta valle diverii. Nec possit emere nec se investire
aut aliquo modo iure vel titulo aliquas decimas dictae vallis
ab aliquibus dominis, personis vel colligentibus. Et qui contrafecerit
cadat et privatus sit ab omnibus beneficiis et utilitatibus
dicti comunis videlicet quod non habeat nec habere
debeat voltam nec partitam ballarum, nec possit pasculare in
comunalibus dicti comunis, nec buscare in aliquibus buschis
dicti comunis nec aliquam utilitatem habere in dicta comunitate.
Et si inventus fuerit pasculando cum bestiis aliquibus
vel aliqualiter buschando vel aliquam ex utilitatibus dicti comunis
accipientis puniatur tamquam forensis et rebellis totius
comunitatis praedictae.
CXVI. – DE TENSO NEMORIS VIRIDIS ETC.
Item statuerunt et ordinaverunt quod sit tensum omne nemus
viride a saxis de silvanigra infra et a clausis de Tulliaga
intus et a clauso de cortigio in foris et a Diveria in sursum.
Exceptis fraschis de gratis, brinzolis et genestris. Et quod nullus
debeat in praedictis confinibus facere aliquam tagliatam
buschi viridi pro capris. Et hoc sub poena soldorum quinque
imperialium pro qualibet planta et qualibet vice.
CXVII. – QUOD LABORANTES ALIQUAS TERRAS AD FICTUM SOLVANT
TALEAS FODRA ET ALIAS EXPENSAS.
Item statuerunt et ordinaverunt quod quilibet persona vallis
Diverii seu habitans in dicta valle quae laboraverit aliquam
|
|