Cap. XIII.
Pisanis, ut procedant viriliter contra Lucanos.
Furiosam superbiam, et superbam furiam
Lucanorum, qua succensi frementes, se
contra Deum et Romanum Imperium
erexerunt, superfluum esset per singula literis recensere,
quam jam latius divulgatam vos credimus
non latere. Sed nos quosdam excessus
eorum nolumus sub silentio praeterire, ut Celsitudinis
nostrae zelare honorem, et abominari
verius iniquitatem ipsorum, ad nostram
et Imperii vindicandam injuriam, et illorum
insolentiam edomandam expurgatis
viriliter et potenter. Cum enim iidem
Lucani ad occupandam terram Imperii nequiter
inhiarent plures eos monuimus in
spiritu lenitatis, ne tantam nobis irrogare molirentur
injuriam et jacturam. Sed illi
monitis nostris blandis superbe contemptis nequitatem
quam conceperant parientes,
praedictam terram hostiliter invaserunt, in ea
multa enormia committentes. Unde, ne tantam
injuriam noxiae negligere videremur, materialem
gladium exercuimus in eosdem ipsos,
tanquam inimicos Imperii proscribendo: mandantes
ipsos proscriptos ab omnibus evitari,
et sperantes quod percussi dolerent,