XI. [Sancta Anastasia]
Ascribunt homines tibi, nastasia, lauacrum
Usibus humanis comoda multa facit.
Corporis ingrati recreatos efficit artus.
Virtutes eciam corporis unda novat.
Res miranda quidem quicunq[u]e cauabit arenam,
In medio fosse feruida manat aqua.
Illa recens in fonte suo sinthomata tollit,
Languidus ardorem si paciatur aque.
Fonte relicta suo nichil affert utilitatis;
Hec eadem prodest frigida facta parum.
Qui petit ergo sui bene de langore iuuari,
Senciet auxilium, si renouabit aquam.
|
1
5
10
|