: Constitutum consulum Comunis Pistorie

50


eum puniant, et dare ei faciant qui feritam accepit. Item,
si quis civis alicui concivi in vultu de manu percusserit studiose,
nisi supradicto modo, in .XX. solidos eum puniant, et dare
ei faciant qui feritam accepit, nisi vilior personam digniorem
gravi verborum vel facti iniuria lacessiverit. Et si predicte persone
non habuerint unde predictas penas persolvere valeant, expellantur
de civitate, et in toto consulatu illius anni in civitate
nostra nec in burgis nec infra tria miliaria prope civitatem habitare permittant.
[10]
Et statuimus ut si quis inculpatus fuerit fecisse homicidium,
et se supra sancta Dei evangelia defenderit ante consules
vel rectores pro Comuni electos, et postea aliquis pro illo interfecto
illi in persona et graviter feriendo offenderit, simili modo
puni[a]tur, ut continetur de homicidis in sacramento consulum,
preterquam de casa destruenda.
[11]
Et statuimus ut si aliqua persona pro Comuni in officio
civitatis fuerit, et pro officio illo ab aliquo sibi studiose et
feriendo graviter, nisi se defendendo, in persona [offensio]
facta fuerit, ille qui intulit offensionem puniatur ut de homicidio,
preterquam de turre et casa. Et si fuerit offensio in habere,
in quadruplum ei restituatur ab eo qui dapnum dedit.

Torna all'inizio