illic per sex dies, residente etiam tunc in honoris apostolicatu
domino Eugenio papa tercio. Mediolanenses vero regi obviam
tunc euntes et secum fraudulenter fedus inientes quattuor
milia marchas argenti ei dare spoponderunt ac in Runcalia
cum ipso fuerunt.
Interea rege in Ronchalia existente, misit quendam suum
capellanum Laude, qui fidelitatem ab omnibus ipsis Laudensibus
exigeret. Laudensium etenim alii suas uxores et filios
cum ipsorum mobilia timore Alamanorum ad Pizighitonem
fugerant, alii autem ad Mediolanum, plerique etiam ad Cremonam
et Placentiam; sed ipsi fere omnes Laude cum suis personis
idcirco redierant, quia predictus rex suam propriam tensam
in ipso predicto burgo Placentino posuerat. Postremo cum
predictus regis capellanus Laude venisset et fidelitatem ab
ipsis Laudensibus petiisset, responderunt ei Laudenses dixeruntque
sibi se non esse ausos hoc sine consilio et parabola
Mediolanensium, in quorum virtute et potestate essent, peragere.
|
1
5
10
15
|