B . De hiis que in delegatorum citacionibus
requiruntur.
Notet hic notarius, quod vii sunt circa citacionem
delegatorum sollempniter attentenda.
Primum, quod nomen delegati semper est omnibus
preponendum, pro eo quod vice fungitur delegantis, et
sic maior est omnibus de quorum causa cognoscit.
Secundum, quod semper in salutacione se dicat iudicem
delegatum.
Tercium quod tenor recepti in citationibus scilicet
in prima totaliter inseratur.
Quartum, quod ad certos diem et locum quis ad
iudicium evocetur.
Quintum, quod sit locus sollempnis ubi possit advocatorum
copia inveniri.
Sextum, quod secundum facultatem persone citande et
qualitatem negocii de quo agitur iudex debeat inducias
moderari.
Septimum et ultimum, quod semper hec clausula ponatur
in citacione: si dies feriata non fuerit, alioquin proxima
die etc. ut supra. vel dicatur sic: quod ei dictus terminus in
diem inciderit feriatam, sequentem non feriatam vobis pro termino
assignamus.
Item semper debent apponi in citacionibus verba conminatoria,
prout superius scriptum est in illa clausula:
alioquin contra vos — vel contra te — procedemus ut iusticia
suadebit.
d.
A . De citacionibus per nuncium faciendis.
Consueverunt interdum citaciones per nuncios fieri.
unde expedit ut de ipsis aliqua vobis scribam.
Sciendum est, quod — quando citacio fit per nuncium
sive litteris — debet esse certus et iuratus: aliter non
staretur relationi ipsius.
Item cum ipse nuncius debeat de speciali citare
mandato iudicis, necesse est ut mandatum factum nuncio
|
|