[A]b hoc quoque tempore Normanni Capuana obsidentes, finitima
queque acriter devastare ceperunt. Tunc quoque vir venerandus
Iohannes abbas homines, qui [.....] circa ecclesiam Sancte
Marie, quod dicitur Oliveto assumens, castrum constituit in montem,
quod nunc esse videtur, a quibus hominibus pactum sponsionis
firmissinium accepit pro decimis, serviciis, et reddicionibus, que
iure sancto monasterio persolvere deinceps debuissent, per huiusmodi
scriptum.
[.....S]exta die stantis mense iulio, quarta indiccione. Nos
tales homines, idest Aczoalde, et Iohannes filios quondam Toti,
et Iohannes Fasane notarius, et Iohannes Yngue, et Iohannes
filius Riccardi, et Pipo filius Piponi, et Iohannes filius Amiconi,
nos toti habitatores de loco Sancte Marie, que dicitur Olivetum,
qualiter presencia Ralchisi iudicis, et Iohanne iudice de supradicta
Sancta Maria, et alios testes, sicut convenit inter nobis, et Beccius
presbiter, et monachus atque prepositus monasterii Sancti
Vincencii, situs super Vulturnis fluminis fontem, ubi domnus
Iohannes venerabilis abbas preest, ille erga secum habendo Domnellu
abbocatorem cenovii Sancti Vincencii, et tunc per eadem
conveniencia voluntarie nostre guadiam dedimus, nos ad Raymundus,
|
|