hoc ceciderant rursus reducens ad id propter ineffabilem
condescensionem».
Tertio, quia Dominus promisit habitare nobiscum, quod facit
in sacramento altaris. Unde ait Iere. VII: Bonas facite vias vestras
et studia vestra, et habitabo vobiscum in loco isto. Item Mat.
ultimo: Ecce ego vobiscum sum omnibus diebus usque ad consumationem
seculi. Hinc Salomon ait, II Paralipo. VI: Ergone credibile
est ut habitet Deus cum hominibus super terram? Certe credibile
est, quia verbum caro factum est et habitavit in nobis, Io. I.
Quod propter IIII rationes malefaciunt qui semper expectant ad Dominicum
corpus mutandum de piscide, quando a multis communicatur in
missa.
Et nota quod aliqui sacriste semper in missa conventuali,
quando fratres communicant, volunt mutare hostiam consecratam
in piscide et in templo in quo corpus Domini conservatur,
et credunt bene facere, sed male faciunt propter IIII. Et primo,
quia misse offitium impeditur, et fratres gravantur, et seculares
mirantur.
Secundo, quia ipsemet sacrista, si est sacerdos, in una missa
privata potest hoc facere cum duobus ceroferariis, etiam non
presente conventu.
Tertio, quia aliquando ponit hostias ex eadem fornata cum
prima quam removet, quod est dicere: non fecit hostias novas.
Et longe melius debet conservari hostia consecrata quam non
consecrata, tum quia in pulchriori loco servatur, tum etiam quia
in ea Deus est, qui est omnium conservator. Patet hoc per exemplum.
In Regina civitate destructa fuit quedam ecclesia in
cuius altari corpus Domini pro reliquiis positum fuerat, et ita
invenerunt hostiam illam consecratam candidam et pulcram,
ac si eadem die facta fuisset. Et tamen CCC annis steterat ibi,
sicut dicebat memorialis scriptura. Habui hoc ab ore fratris Peregrini
de Bononia, qui interfuit et vidit. Non placet michi quod
corpus Domini in altari pro reliquiis includatur, sicut nunquam
|
|