unicus» vel «minimus, salutem cum reverentia filiali»,
vel «cum filiali devotione salutem», vel «filialem reverentiam
cum salute», vel «filialis reverentie famulatum», vel «omnimodam
in omnibus reverentiam», vel «salutem, et siquid in
mundo salubrius est salute», vel «salutem et quidquid boni
Ioseph vel Iacob prebuit suo patri» vel «suo patri potuit
exoptare». Potest tamen causa reverentie tacere salutem , ut
loco salutis dicat: «G. devotus eorum filius quidquid potest
servitii vel honoris», vel «quicquid potest reverentie vel
honoris», vel «se ipsum totum», vel «quicquid devotionis
vel subiectionis, et reverentie potest», vel «se
promtum ad omnia genera famulatus», vel «paterna semper
vestigia imitari» vel «nunquam paternis preceptionibus
contraire», vel «semper suis parentibus facere que sint
grata».
XIII.
De parentibus ad filium.
«A. et B. parentes», vel «A. pater et B. mater: G. benedicto
filio suo quidquid Ysac Iacob contulit cum salute», vel
«salutem cum dilectione perenni» vel «salutem et benedictionem»
vel «salutem et scientie capere documenta»,
vel «salutem et Salomonis scientia illuminari», vel «salutem
et illustrari scientia» vel «eloquentia Ciceronis», vel «salutem
et bonorum consortia imitari», vel «salutem et gratiam
a Domino promereri», vel «salutem et bonis moribus
informari», vel «salutem et benedictionem quam filio patriarcha»,
vel «salutem et paterne benedictionis augmentum»,
vel «cum paterna dilectione salutem», vel «de bono in melius
feliciter prosperari», vel «salutem et nunquam vacare
a philosophicis documentis», vel «salutem et scolastice militie
insudare», vel «salutem, et que sint iusta facere et
honesta», vel «salutem, et male fugere et inhonesta vitare»
vel «salutem, et prestolatum amicorum gaudium adimplere
meritis proprie bonitatis». Mater vel pater sic separatim scriberet.
|
|