Conradus etc. … regi Anglorum.
Nollemus auditus vestros, vulgaris forte fame preloquiis stupefactos,
illis pulsare rumoribus quorum et nostram exaggeraret relatio lacrymosa
memoriam et cordis nostri presumitur corruptura quietem. Sed ex eo precipue
nos huiusmodi casibus personam elegimus relatoris, quod acerbitatem
doloris nostri silentio cohibere vix possumus, in vobis meroris
impetum, persuasionis nostre remedio, facilius credimus mitigandum.
Nec mirari vos volumus si de iis que inviti referimus ad notitiam
vestram nuntiatio sera perveniat, cum hactenus ex recenti vulnere
mestitie prevaleret immensitas et ex oculis nostris nature suggerentis
imperium fluxum emungeret lacrymarum, sicque fluctuabat mentis
nostre turbata tranquillitas, ut ad extinguenda doloris incendia necessario
solatoris alterius liquoribus egeremus. Iam vero dato tempore luctibus,
quod eventus tam turbidi qualitas exigebat, lugubrem obitum
|
|