DE SOCCIDA BESTIARUM AD CAPUT SALVUM.
Andreas filius olim talis, renumptians et cetera, ut
supra, confessus fuit se in veritate in soccida, et ad caput
salvum, recepisse, et aput se habere a tali, unam vaccam
cum vitello pili talis, inpositionis et extimationis
librarum tot; quam bestiam cum vitello promisit eidem
tenere pro eo et conducere et salvare et custodire et
nutriri de hinc ad talem terminum, et tunc reddere et
restituere ei ipsas bestias vel extimationem et inpositionem
predictam, et salvo semper dicto capitali; quod
capitale reddere promisit ei, et restituere salvum, quicquid
de bestiis acciderit, et lucrum et montamentum
quod dictus in eis dederit sit per medietatem inter eos,
et promisit ei non probare solutionem vel liberationem,
nec aliam contra hec obicere exceptionem, nisi per
scripturam publicam, vel per istam cassatam; alioquin:
promisit ei dare, nomine pene, libras tot et cetera, ut
supra de obligatione bonorum, et de fideiussore, et uxore,
et aliis que videris expedire.
DE LOCATIONE ET SOCCIDA IUMENTORUM ET BESTIARUM.
Iacobus et Iohannes fratres filii quondam talis, de
tali loco, in soccidam locaverunt et dederunt tali unum
iomentum pili nigri, cum talibus inpositionibus et extimationibus,
et emptum in libris tot pisanis, in termino
de hinc ad .v. annos proximos; quod iomentum ipse I.,
ab ipsis fratribus recepisse, et aput se habere, confessus
[est], et illum tenere et conducere et nutrire et salvare
et custodire eis promisit, bona fide, sine fraude, de
hinc ad predictum terminum, et medietatem fructus
et filiaminis et techimenti, quod dictus dederit eis, dare,
et pro uno pede ex predicta extimatione et inpositione,
promisit eis dare soldos tot de primo filiamine
quod dictus dederit, et expensas guarangni a(utem) per
medietatem facere, et in fine predicti termini ex pacto
|
|