DE ORATORIO SANCTAE CRUCIS.
35. Ab alia parte est ecclesia sanctae Crucis, quam construi
fecit beatae recordationis Symachus papa, cuius absidam columnis
porfireticis et optimo mosibo decoravit, et .X. libras ligni sanctae
Crucis in ea recondidit.
DE ECCLESIA SANCTI IOHANNIS AD FONTES.
36. Postea sunt fontes quos fieri fecit beatus Damasus papa,
sicut in scriptis invenimus.
DE EXCELLENTIA HUIUS BASILICAE.
37. Quantam reverentiam huic sanctissimae Beati Petri apostolorum
principis basilicae totus orbis exhibeat, in vita Vigilii
papae aperte cognoscitur. Nam Theodora Augusta, mittens Anthemium
scribonem suum Romam, ut Vigilium papam comprehenderet,
ait ei: << Excepto in basilica Beati Petri, parce. Nam si
in Lateranis aut in palatio, aut in qualibet ecclesia Vigilium inveneris,
mox imposito in navi, perduc eum usque ad nos. Quod
si non feceris per viventem in saecula excoriari te faciam >> .
DE EADEM RE.
38. Hoc quoque non est parvum, quod de institutione sanctorum
Patrum, quadam praerogativa sumitur de sanctissimo altari Beati
|
|