de nostris ante Pontem suffocati et uccisi 150. et fuerunt
emissi ictus bombardae plures in platea.
Eodem anno veniunt a Sicilia, ad quam ivit Cola de Messana,
et Rugerius et venerunt tres Cocchae cum Marchesio
Cutroni, et tres Galeae armatae cum Catalanis ad instantiam
Principissae, et propter malum modum fuerunt interfecti
plures Catalani quando venerunt.
De mense Julii eodem anno Brundusium fuit positum ad Saccum
per Franciscum de Ursinis ex parte dictae Provinciae.
Anno 1407. Venit de Sicilia Navis onerata frumento cum
litteris Domini Regis Ludovici, qui parat se venturum
cum magna armata, et fuit factus capitaneus Civitatis
Dominus Gabriel Bisignanus.
De mense Aprilis Rex Ladislaus reversus cum toto
exercitu in Civitate Tarenti, et creverunt multa mala in
Civitate, quia venerunt tres Galeae armatae cum septem
barchis, et septem navibus.
In die Sabathi 23. tractatum fuit matrimonium inter
ipsum Regem et Dominam Principissam, et fuerunt elevatae
bandierae Regis, et intravit sub pallio Rex in hospitium
Marini de Falconibus, et in Castro fuit matrimonium confirmatum
per verba de praesenti, et desponsatio in Cappella
Sancti Leonardi.
Anno 1412. Die 16. Julii mortuus fuit Dominus Ligorius
de Orilia Comes Acerrarum et Regni Siciliae Prothonotarius,
et mortua fuit Domina Margareta de Duratio in Civitate
Salerni, et factae exequiae in Sancto Laurentio Neapoli
Eodem anno facta pax inter Regem Ladislaum et Joannem
Papam XXII.
Die 16. Octobris, et eodem die fecit Omagium pro parte
Sanctae Romanae Ecclesiae in manu Domini Cardinalis Brancacci, et bannita
in Civitate Neapolis, et fuit mandatum per Dominum
Regem, quod debeamus credere dicto Papae Joanni.
Fit mentio de Domina Margarita de Mendolia, uxore
Domini Raymundelli de Bautio.
|
|