sorte Domini simus computati, decet nos caste uiuere non solum
a malo iuxta dictum apostoli set a mali specie abstinentes, eo
profecto quod ad mulierum sexus accessus frequens reprehensibiles
exibet clericos.
4 Femina uas Sathane, fetens rosa et dulce uenenum dicitur, quia
per eius speciem sapiens arguitur et uir electus tanquam a facie
diaboli retinetur. 4' Jnde est quod a talibus de meo consilio caueatis,
ne possitis earum deceptionibus laqueari.
5 Vires fornicatorum defectum accipiunt, set eorum uoluntas et
desiderium augmentatur. 5' Jnde est quod unumquemque conuenit
meditari quid de ipso fiat in die nouissimo ut abstineat a
peccato.
6 Ocia condecet tollere qui uult luxuriam remouere. 6' Quare
te modis omnibus exortamur, ut sic circa tuum officium instare
debeas et sollicite laborare, ne illecebrosa Venus suis sagittis mortiferis
te inuadat, quoniam licet fornicationis labilis sit uoluptas,
pena tamen non est momentanea set eterna.
|
|