: Formularium florentinum artis notariae

20


DE PROMISSIONE [DOTIS] VEL RESIDUI.
Talis, nomine dotis et pro dote M. filie vel neptis
vel mundualde sue, aut sororis vel alterius potestatis,
[faciens] confessionem ipsius dotis, non obstante confessione
michi facta, confessus est et fuit in veritate, dare
debere tali libras tot, que et quam dotem, ei vel heredibus,
aut cui concesserit, solvere et dare promisit, tali
termino vel ante, et cetera, ut supra de sacramento,
pena, fideiussore, et aliis que notarius viderit expedire.
Vel ita: talis, pro residuo dotis, que dos est in summa
librarum tot, promisit solvere dicto I. tali termino et
cetera, ut supra.
DE PROMISSIONE DEBITI INDE SOLUTIONE ALTERI
PERSONE.
Talis filius I., ren(umptians) et cetera, confessus est
in veritate recepisse, et apud se habere a tali, libras tot
quas idem I. dare debeat tali filio olim talis, vel fratri
suo, ex tali causa unde erat scriptura per talem iudicem
et notarium, quam scripturam ei reddidit, unde promisit
et convenit eidem I. et eius heredibus quod si a
filiis vel heredibus dicti I., seu ab aliqua persona vel
loco, aliquo tempore fuerit, de predictis pecuniis, vel
eius occasione, lis aut briga vel contraversia aliqua,
mota vel facta, in causa vel extra, aliquo modo vel
iure, aut in dampnis vel expensis cauxari casus evenerit,
quod ipsum I. et eius heredes et bona exinde
defendet et expediet, ac liberabit et conservabit indempnes,
et dampna et expensas resarcire suis sumptibus
et expensis infra unum mensem proxim(um) post
inquisitionem factam sibi vel heredibus, a dicto I.
vel eius heredibus; alioquin: promisit tot libras, nomine
pene, dare et post firmum [habere contractum], obligando
se et heredes et bona, et ren(umptians) et cetera.

Torna all'inizio