perlegat, relegat, donec habitum ex dispositione faciat.
Spernat aspera et spinosa dictamina Alberici monachi insolubilia,
nisi Sphingi monstro familiaria, que auctores componunt;
magis ex necessitate quam voluntate id faciunt;
quos legens per te ipsum cognosces.
7
P. episcopus servus servorum Dei E. dilectissimo filio
Romanorum imperatori magnifico salutem et apostolicam
benedictionem.
Talis debet esse salutatio pape, [qui] ordinem humilitatis,
non superbie vel contumacie gerit. Ante tempora namque
beati Gregorii alii prime sedis pontifices alii summi sacerdotes,
alii universales se in epistolis appellabant. Sed id pater
humillissimus rescribens Iohanni Constantinopolitano,
qui se universalem appellabat, ratione ostendit hoc esse
proprium pontificis, qui tantum pro humilitate, ut in oratione
sua legitur, deinceps servus servorum Dei se nominare
instituit.
|
|