resurrectionem se daturum: ibi hortatus est discipulos exemplis multis: ibi
comedit agnum more Judeorum. cum lactucis agrestibus: ibi matrem
consolatus est indicans sibi mortem venturam pro mundi reparacione.
Illud cenaculum est domus. que habet voltas duplicatas sive inferius et
superius. et fuit una valde pulcra ecclesia. ut videtur ad vestigia. juxta
cenaculum. sed est totaliter dirupta. O quam beatus locus est. ubi tanta
fecit Cristus. Et ibi missam celebravi in hoc cenaculo. de quo habui
magnam consolationem.
Extra Cenaculum Domini immediate apud murum cenaculi usque occidentem.
est locus sanctissimus. ubi virgo Maria veniebat cotidie
post mortem filii sui ad contemplationem. et ibi orabat et postea revertebatur
ad domum. in qua habitabat ibi prope. Prope Cenaculum Domini
et propre locum contemplacionis ad XXXV brachia. est locus devotissimus.
ubi erat habitaculum Virginis gloriose et ubi mansit super montem Syon
post mortem filii annis XXiiij et ibi ab angelis visitabatur. et Maria Jacobi
et Salome et alie sancte mulieres cum ea ibidem conversabantur. et in domo
illa erat unum altare. ubi beatus Johannes. evangelista. et alii apostoli sepe
dicebant missas. Et ego quamvis indignus. in vigilia Assumpcionis
Marie ibidem missam celebravi. de quo ego habui immensum gaudium.
In illo loco venerabili venit archangelus Gabriel. portans palmam
dilectissime matri virgini Marie. predicens sibi qualiter Cristus volebat
eam assumere. et ibi petiit ab angelo. quod omnes apostoli. qui erant per
universum mundum dispersi. adessent sue assumpcioni: in isto benedicto
loco migravit virgo Maria. Et ibidem venit Cristus. dilectissimus filius
ejus. ad suscipiendum animam ejus cum omni multitudine sanctorum.
reliquens corpus matris in manibus apostolorum. et sunt ibi aggeres
lapidum preter unum altare. quod remansit ibi.
Prope locum. ubi virgo Maria habitavit et migravit est locus. ubi apostoli
de universo mundo similiter et subito convenerunt. et ipsi cum
aliis discipulis Cristi se paraverunt ad portandum corpus Virginis gloriose ad
vallem Josaphat. et distat ille locus. ubi convenerunt. a loco. ubi migravit