et in detrimenta nos hostium ardentissime
provocarit;] devotionem vestram hortamur
attente, mandantes, quatenus rancoris
cujuslibet speciem abigentes sic more solito
circa nostra servitia laudabiliter insistatis,
quod spem, quam de vobis stabili mente concepimus,
sentiamus in nobis in opere
commodosam. Nos enim temporis habilitate
captata, sic ultimae depressioni
rebellium, apertis thesauris nostris, et fidelium
nostrorum subsidiis aggregatis vacare
disponimus, quod nedum cogantur a
coeptis inviti desistere, sed potius poeniteant
incoepisse.
Cap. XLVIII.
Quod regnicolae qui regnum exiverant, et in
Imperio commorantur, securius revertantur.
Innata cordi nostro benignitas, circa fidelium
nostrorum compendia continuis intenta
vigiliis, tanto majori cura de non
minuendo, quin potius augendo regno nostro
Siciliae nos semper sollicitat, quanto regnum
ipsum prae caeteris augustae fortunae bonis
carius aestimamus. Audito igitur quam
plures regnicolas de propriis profectos jam laribus,