28

consules legatos cum aliis Ianuensibus ad imperatorem Fredericum cum magna pecunia miserunt,
ut predictam pecuniam fidelibus et principibus curie darent, pro acquirenda pace vel
treugua cum Pisanis. Pisani vero, hec audientes, suos legatos ad imperatorem Fredericum,
qui erat Turinum, VII idus Augusti direxerunt, videlicet Henricum Canis et Petrum Albithonis
Consules, Contulinum filium Ugonis Sismundi, legis doctorem, Rainerium iuris peritum, et
Marzuccum, germanos, quondam Gaetani, et Gerardum, quondam Guffredi, ad probandum
scelus et periurium de crudelissima guerra quem contra Pisanos ex inproviso inceperunt.
Quos Imperator honorifice recepit, et predicti sceleris et periuriu probationem noluit Imperator
suscipere, sed treuguam legatos pisanos rogavit, et eisdem precepit habere cum Ianuensibus
usque ad adventum suum in Tusciam, paratus enim erat ire ad Bellicionem pro discordie
quam papa Alexander et papa Victor inter se habebant iudicanda. Et predictum Henricum
Consulem, et Rainerium Gaetani usque ad Bellicionem secum Imperator duxit; alii
Pisas V kal. Septembris rediere. Rex quidem Francie, de concordia Victoris pape, quem
Imperatori fieri promisit, minime observavit, et tunc legatos pisanos, scilicet Henricum consulem,
et Rainerium Gaetani, cum gaudio rex allocutus est, promittens eisdem amicitiam
pro amore Pisane urbis. Rex itaque, cum indignatione Imperatoris, cum papa Alexandro
reversus est in Franciam, et Imperator cum papa Victore perrexit in Alemaniam.
A.D. MCLXIII, in mense Octubris. Guilielmus rex Sicilie, fedus pacis habens cum
Pisanis, omnes Pisanos, quos in suo reperit districtu, cepit, res et personas in custodia habuit,
et Pisanorum navem unam venientem de Constantinopoli cepit. Pisanos enim suspectos
habebat propter affectionem et fidelitatem quem ergo Imperatorem habebant, et propter
magnam dilectionem quem Imperator e converso erga Pisanos ostendebat, et propter magnum
apparatum galearum, quem pro faciendo imperatoris Frederici servitio fecerant.
A.D. MCLXIIII, XIII kal. Iulii. Pisani Consules fecerunt exercitum magnum militum