45

a carraria Gonduli usque ad ecclesiam Beati Mathei Apostoli, desuper abierunt. Duravitque
glacies a VI idus Ianuarii usque ad XII dies. Eodem anno, die Sancti Melciadis, qui est
IIIIor idus Ianuarii, fuit per totam civitatem Pisanam et Kinticam maximus terremotus cum
mugito maximo et inaudito, de quo viri ac mulieres magnum timorem habuerunt.
A.D. MCLXVIII, indictione prima. Aimericus Ierosolimitanorum rex, Sinibaldum, virum
prudentem, Pisanis civibus direxit, qui civitatem Pisanam ingressus est XII kal. Februarii.
Qui, ex parte regis, Pisanis, tam quam amicis precipuis, nuntiavit gloriosam victoriam, quam
ei Deus dedit de Alexandria, in quam Saraccone, maior princeps Nuretdini, cum multitudine
Saracenorum intraverat, contra voluntatem Meloni Babillonis ad eam manutenendam; in
cuius Alexandrine civitatis obsidione Pisani viriliter in auxilium iamdicti regis miserunt
Burgensem Consulem cum X galeis; et castella et varia menia machinasque circa ipsam
civitatem fecerunt, eamque super alias gentes fortius expugnaverunt. Alexandrini vero videntes
quod potentie regis resistere non poterant, se et civitatem ipsi regi mense Augusto reddiderunt,
Saraccone de civitate fugiente, et predicto regi pecuniam infinitam dederunt. Unde
Pisani magnam laudem per totam terram Egypti et Surie super omnes gentes habuere. Rex
autem Molene Babillonie magnam partem diricture, quam Pisani soliti erant in Alexandria et
Babillonia dare, Pisanis donavit. Preterea predictus rex multas possessiones et domos per
totam suam terram Pisanis pro iamdicto servitio largitus est. Quapropter prenominatus
rex cum tota sua terra, Pisanos multum exorans ut ipsi pro honore christiane fidei auxilium
Ierosolimitane civitatis, que est caput Christianitatis, impendant. Soldanus enim Persarum
et Nuritdinus, nec non Saraccone fremunt et minantur venire cum multitudine Saracenorum,
ac obsidere Ierosolimam urbem egregiam, Alexandriam ac Babillonem. Sin autem facere non
potuerunt, propter guerram quam habent, omnes qui Ierosolimam ire pro adiutorio et servitio
Dei voluerint, Pisanos ut in suis navibus transferant, modis omnibus flagitat. Pisani vero
auxilia, si pacem habere potuerint, promiserunt Et sic ad imperatorem Fredericum et regem
Francorum atque regem Anglicorum predictus Sinibaldus legatus, ut predicte urbi subveniant,
profectus est.
A.D. MCLXVIII, indictione prima. Pisani cives XI galeas armaverunt, que iverunt in
Provinciam, et Bulgarinus Anffossi cum VIIII galeis pro capiendis Ianuensibus; et pro eisdem
dampnum inferendo, in Garbum navigavit, que VIIII nullum Ianuensium ceperunt, nec dampnum
eis intulerunt, quia eos non invenerunt. Undecim vero, que in Provincia navigarunt,
dampnum in havere et navibus usque ad Gradum Mergurii Ianuensibus fecerunt ibique se
separaverunt, VII ibidem remanentibus; quattuor vero alie ad fauces Addi, pro parandis
necessariis, iverunt. Ianuenses autem, hec audientes, repente XV galeas armaverunt, et usque
ad Gradum Mergurii navigaverunt; ibique VII predictas Pisanorum galeas in alto pelago
v