"frugi", "gummi", "huiusmodi". 34 In o correptam Latina nis in
genitiuo sumunt o producta, ut "Cicero, Ciceronis", "caupo,
cauponis", "Iuno, Iunonis". 35 Excipiuntur que in go uel in do
desinunt, que mutant o in i , nisi sint propria, et sic assumunt nis ,
ut "uirgo, uirginis", "dulcedo, dulcedinis", "cardo, cardinis". 36 Sic
etiam "homo, hominis" (quidam etiam "homonis" dixerunt) et ex
eo compositum "nemo, neminis", et "turbo, turbinis" (appellatiuum),
"Apollo, Apollinis", "Anio" etiam "Anienis", et "caro,
carnis". 37 In o productam Greca sunt et uel Grece declinantur,
ut "Manto, Mantos", uel addita nis faciunt genitiuum, ut "Dido,
Didonis". 38 In u aptota sunt in singulari, non etiam in plurali, ut
"hoc cornu", "tonitru", "genu", "gelu". 39 In c duo sunt: "lac", quod
facit "lactis", et "allec, allecis", nec habent pluralia. 40 In d uel t
sumunt is in genitiuo, ut "Bogud, Bogudis", "Dauid, Dauidis",
"caput, capitis" (quod etiam u in i mutat cum compositis suis
"occiput " et "sinciput"). 41 Excipiuntur duo, "aliud" et "quid" cum
compositis suis - "siquid", "aliquid", "nequid" - , quorum genitiuus
in ius facit. 42 "Git" uero et "Nepet" indeclinabilia sunt.
|
|