Servorum dies festus erat Idibus Augusti, quia eo die rex
Tullius, filius ancillae, aedem Dianae dedicavit.
Sacramentum dicitur, quod iurisiurandi sacratione interposita
geritur.
Siremps dicitur quasi similis res ipsa. Habetur hoc in libris
Catonis (80,1).
Spatiatorem pro erratorem Cato (40,3) posuit.
Stata dicebantur sacrificia, quae certis diebus fiebant. Cato (18,2):
“sacra stata, sollemnia, sancta deseruisti.”
Sollemnia sacra dicuntur, quae certis temporibus fiunt.
Serra proeliari dicitur, cum assidue acceditur recediturque,
neque ullo consistitur tempore.
|
|