Iulianus de Spira: Officium sancti Francisci

Pag 1109


Mundum vicit et vitium,
Se victo, victor inclytus.
V. Linguae manus praeambula
Verbo paravit semitam,
Et amplectuntur saecula
Doctrinam facto proditam.
VI. In paupertatis praedio
Minorum plantans vineam,
Ostendit magisterio
Vitae vivendi lineam.
VII. Ad aeternas divitias
Turbam allexit pauperum,
Quos ad caeli delicias
Lingua vocavit operum.
VIII. Vita, doctrina splenduit,
Resplendet et miraculis;
Sic praefuit, quod profuit,
Via, lucerna populis.
IX. Summi regis palatio,
Doctor, loca discipulos;
Salutis privilegio
Christi praemuni famulos.
X. De tenebris miseriae
Sequaces stellae praeviae,
Quaeramus patrem gratiae,
Consortes tandem gloriae. Amen
IN I NOCTURNO.
9 - Antiphonae
I. Hic vir in vanitatibus
Nutritus indecenter,

Torna all'inizio