offerant diis omnipotentibus, ut uos propitiare de omni potentia non
dedignentur.
Eodem tempore decretum posuerunt Diocletianus et Maximianus
Augusti, ut ubicumque Christianiculae animae inuentae
fuerint, sine auditione puniantur, tam in urbibus quam in regionibus
quamque in ciuitatibus propinquis, seu in ciuitate Romana,
Vrbe condita, seu in subiugato eorum imperio. Factum est autem,
ut uicesimo tertio die mensis Iulii propositum fuisset hoc
edictum. Tunc in ciuitatem Spolitinam Martianus quidem consul
in eadem regione repperit aliquos Christianorum suggessisse sibi,
eo quod in cripta, in prefata ciuitate Spolitina, fuissent Christiani
occultati. Tunc milites nocte inuenerunt Christianos Carpoforum
presbyterum et Habundium diaconem, et qui cum eis erant; et uinctos
eos duxerunt ante Turgium et Leontium et Martianum consulem.
Qui dum apprehensi fuissent, interrogantur a Martiano consule,
dicens eis: «Serui contempnentes offerre diis omnipotentibus
hostias pacificas, sacrificate ergo, ut clementissimi principes iusse-
|
|