Que omnia, qualiter dictatori sint necessaria, in sequentibus
monstrabo per singula. Absque harum igitur aliquantula
saltim scientia nulla erit dictandi notitia. Sunt tamen
nonnulli adeo facilia habentes ingenia, ut ignoratis harum
artium preceptis perpulchra componant dictamina. Quod
tamen illis non arte accedit, sed natura. Omnis enim ars a
natura sumit initium, que, dum secundum Platonem inest
anime per naturam, ignoratur tamen a plerisque, nisi a
magistro discant, per carnis hebetis coniecturam. Excitatur
ergo a doctoribus torpens animus et quasi e somno vigilans
naturaliter meminit, que docentur.
His ergo prelibatis, quod nomen ipsum epistole significet,
discutiamus.
A
Epistola grecum nomen est compositum, epi
enim supra, stola missio interpretatur; que ob hoc ita nuncupatur,
|
|