Guido de Columnis: Historia destructionis Troiae

Pag 269


ipsius sui fratris amore uoluit et mandauit quod omnes Troiani qui
capti erant in Grecia libertate plenaria potirentur.
Preterea hic subiungit hystoria sic enarrans. Dictum est in libro
xxiiiio et xxvo qualiter Achilles, mortuo Troilo, corpus Troili ad
caudam equi sui ligauit et per totum exercitum uituperabiliter traxit
illud, ad cuius recuperacionem rex Menon uiriliter institit, ipsum
prostrauit ab equo et letaliter uulnerauit, sic quod quasi mortuus
fuit delatus ad castra; qualiter Achilles ipsum, a suis omnibus
Mirmidonibus interceptum, non sua uirtute bellica sed proditorie
interfecit; qualiter postea rex Priamus ipsum iuxta Troilum fecit
magnifice sepeliri. Nunc presens narrat hystoria quod predictus
rex Menon quandam mire pulchritudinis habebat sororem suam,
que manifeste uenit coram omnibus ad Menonis monumentum,
illud aperiri mandauit, ossa Menonis extraxit ab ipso, et ea in
quodam uase aureo reposuit conseruanda, que statim cum predicto
uase de medio astancium ab oculis sic prorsus euanuit uelud vmbra
quod nunquam in loco ipso postea uisa fuit. Hanc nonnulli
dixerunt fuisse deam uel dee filiam uel vnam ex illis quam gentes
fatam appellant.
[Incipit liber vltimus de morte Vlixis. ]
De narranda igitur morte Vlixis, obmissis ad presens aliis, presentis
hystorie stilus acuitur. Quare narrat et dicit quod Vlixes
quadam nocte dormiebat in lecto suo et soporatus talem de se uidit
in suo sompno uisionem. Videbatur enim sibi uidere quandam
ymaginem iuuenilis forme tante mirabilis speciei quod ymago non
putaretur humana sed pocius diuina pre nimia pulchritudine forme
sue. Videbatur eciam sibi ultra modum appetere ymaginem illam
posse tangere et eam suo cogi tenaciter in amplexu, sed illa suos
uitabat amplexus et eum uidebatur a longe intueri. Deinde
uero ad eum sibi propinqius uidebatur accedere et interrogabat
ab eo quidnam uellet. Sed ille dicebat: "Uolo ut insimul coniungamus
ut te forte cognoscam. " At illa dicebat Ulixi: "O quantum
in hoc est tua grauis et amara peticio! Tu enim petis a me ut

Torna all'inizio