<XVI.> DE INTERIECTIONE SECUNDUM DONATUM
Interiectio quid est? Par<s> orationis significans mentis a[c]ffectum
voce incondita. Interiectioni quot accidunt? Unum. Quid? Significatio
tantum. Significatio interiectionis in quo est? Quia aut laetitiam
mentis significamus, ut evax, aut dolorem, ut heu, aut ammirationem,
ut papae, aut metum, ut attat; aut optantis, ut o, aut ammirantis,
ut euge, aut indignantis, ut vah, aut irascentis, ut heu, aut despicientis,
ut he, et si qua sunt similia.
|
|