addebant "ce", "huiusce", "hisce", "hosce", quamuis et reliquis adderent,
ut "hicce", "huncce", "hocce"); et sciendum quod m in n
conuertunt c sequente, "hunc", "hanc", "horunce". 64 Genitiuus et
datiuus declinationis huius communis est trium generum, ut "ille,
illa, illud, illius, illi"; et producitur penultima genitiui, quam tamen
poete etiam corripiunt, absque "alterius", quod, quia duabus
uincit sillabis, semper corripit penultimam, et "alius", quod semper
producitur, ne similis sit nominatiuo. 65 Reliqui uero casus
secundum regulam mobilium nominum declinantur: "illum, illam,
illud, ab illo, illa, illo", similiter plurales, "illi, ille, illa, illorum,
illarum, illorum, illis, illos, illas, illa, ab illis"; sic cetera
huius forme nomina uel pronomina. 66 Et sciendum quod
masculina in e , in feminino mutant e in a : "ille, illa", "ipse, ipsa",
"iste, ista"; "is" uero "ea" facit, "hic" et "hec" et "hoc" mediam uocalem
mutauit. 67 Illud etiam attendendum, quod "ille, illud", "iste,
istud", "is, id", in d faciant neutra; "ipse" uero solum, quod et
"ipsus" dicebatur, neutrum in um facit. 68 Neutra pluralia similia
sunt singularibus femininis, "illa", "ista", "ipsa", "hec". 69 Hanc
pronominum declinationem sequuntur VIII: "unus", "solus", "totus",
"alius", "ullus" et ab eo compositum "nullus", <"quis"> uel
|
|