frustrata, ne narrationis unius longae contextu,
tam aures tuae, quam oculi etiam
fastidirent. Ejusdem causae processum et seriem
alteri paginae duximus committendam,
ut velut mutato ferculo, perfecta lectura
praesentium nova novorum perceptio, vestrum
delectet auditum.
Cap. XXXIII.
Fridericus, de promotione Papa, scribit sibi,
significans se pariturum mandatis ipsius, per nuncios
et legatos.
Audita summis expetita consiliis, et ardentibus
desideriis expectata, novi substitutione
pontificis, in quem venerabilium
fratrum et Cardinalium voluntate concordi,
et unica generalis voti postulatione, Deo
authore, promoti fuistis, tanto maior
accessit ex vestra promotione iucunditas,
quanto subtractum duce filii nomen, quod
viduitas matris abstulerat, in data nobis novi
subrogatione pontificis, non immerito gaudere
possumus restitutum, ut paterno nomini piae
provisionis omen adveniat, per quod expectanti
filio, et novercalem quodammodo dudum
iniuriam jam perpesso, dicat recte mater Ecclesia:
Fili, ecce pater tuus, in cujus affectione
filius respirabit: et ad patrem filius econverso
respondeat: Pater, ecce filius, quem materna