Supervaganea dicebatur ab auguribus avis, quae ex summo
cacumine vocem emisisset, dicta ita, quia supra omnia vagatur,
aut canit.
Supercilia in lunonis tutela esse putabant, quod his protegantur
oculi, per quos luce fruimur, quam tribuere putabant
lunonem; unde et Lucina dicta est.
Suppernati dicuntur, quibus femina sunt succisa in modum
suillarum pernarum. Ennius (Ann. 286): “His pernas succidit
iniqua superbia Poeni.”
Suppremum modo significat summum, modo extremum,
modo maximum.
|
|