17. LANFR. Et si novimus . Priusquam in Christum
crederet Apostolus, secundum carnem cognoverat
eum, quia tantummodo hominem aestimabat.
18. AUGUST. ( Ibid ., ante). Secundum carnem . Carnem
namque hoc loco, non ipsam corporis nostri
substantiam quam Dominus post resurrectionem
suam, carnem appellat, dicens: Palpate et videte, quia
spiritus carnem et ossa non habet, sicut me videtis habere ;
sed corruptionem mortalitatemque carnis vult
intelligi, quae tunc non erit in nobis, sicut jam
in Christo non est.
19. ( Ibid ., c. 8). Si qua ergo . Omnis ergo nova
creatura, id est, populus innovatur per fidem, ut
habeat interim in spe, quod in re postea perficiatur.
In Christo habet etiam [ al ., jam] quod in se sperat.
Itaque vetera transierunt secundum spem, quia
modo jam non tempus Veteris Testamenti, quo temporale
et carnale regnum exspectetur a Deo: et facta
sunt omnia nova secundum eamdem spem, ut
regnum coelorum, ubi nulla erit mors atque corruptio,
promissum teneamus.
20. AMBROS. Omnia autem ex Deo . Quamvis nos
Christus redemerit, omnia tamen ex Deo.
21. AUGUST. ( Enarr. in psal . LXVIII, concio 1, tom.
VIII). Quoniam quidem Deus , Deus, inquit, erat in
Christo mundum reconcilians sibi, quia Verbum caro
factum est, et habitavit in nobis : ut non solum Deus
in illo esset, sed etiam ipse Deus esset.
22. AUGUST. ( Tract . 41 in Joann ., ante med.,
tom. IX). Obsecramus pro Christo. Obsecramus , 98
inquit, pro Christo , id est, tanquam vos Christus
obsecret. Quid? reconciliamini Deo.
23. AMBROS. Obsecramus . Ideo obsecrat, ne aliqua
negligentia medicinae gratia effectu careat, quoniam
|
|