Ryccardus de Sancto Germano: Chronicon

Pag 36


Mense Madii Adenulfus, Casinensis
electus rocce Bantre occasione mandati
regii, cui parere noluit castellanus, artat et
obsidet, set cum roccam ipsam optinere
non posset, data quadam nepte sua in coniugem
filio ipsius castellani cum certa pecunie
quantitate, recuperauit roccam ipsam
monasterio Casinensi.
Innocentius papa per generales quas
ad orbis prelatos dirigit litteras sanctam
synodum ad Urbem uocat. Mense Iunii
[autem] Signiam; ubi propter urgentem necessitatem
dictum Adenulphum Casertanum,
Casinensem electum, in Casinensem abbatem
promouit. Fredericus rex auxilio principum
totam Alemannie planitiem optinuit,
solis ipsi Ottoni munitionibus remanentibus.
Hoc anno fames in Apulia exorta est.

Torna all'inizio