quae tanti boni jucunditas, et personae nostrae
Magnificentia requirebat, ad locum victoriosi
exercitus nostri castra perduximus; ut abinde
sub felicitatis futurae praesagio, pace data,
plene fidelibus contra hostes nostros continuatis
gressibus procedamus.
Cap. XXI.
Regi Anglorum, significat quod vult ire in
Italiam, dimittendo filium suum in regno vicarium
generalem.
Dum perfectae dilectionis zelum, cujus
indilsolubili nodo quodam Isabellam
consortem nostram charissimam, vestrae
affinitatis identitas lateri nostro conjunxerat,
in tenacis memoriae libro
perlegimus: dum amicitiae purae constantiam,
quam ad vos et vestros amicabiliter gerimus,
sollicita meditatione pensamus: ad H. dilectum
filium nostrum, nepotem vestrum [cujus
nomine regem Heinricum avum vestrum,
meditatione gloriosae memoriae laudabiliter
excitamus] quem tanquam durabile
inter nos pignus amoris, foecunda nobis naturae
provisio contulit, favoris nostri gratiam
libenter extendimus, et gratiae nostrae favorem
libentius propagamus. Ecce itaque pro arduis
Excellentiae nostrae negotiis, ad repetendas