Omnia munda mundis . Omnia munda mundis secundum
naturam in qua creata sunt; non tamen omnia
secundum significationem munda: primo populo
Judaeorum; nec nobis omnia vel propter salutem vel
propter consuetudinem humanae societatis apta sunt,
sed cum sua cuique redduntur et naturalem ordinem
servant, omnia munda sunt mundis.
14. LANFR. Omnia munda . Datur intelligi quod,
ex mandatis ipsorum hominum, quidam cibi judicarentur
immundi.
15. AUGUST. ( ibid .) Coinquinatis . Immundos dicit
Apostolus quod carnaliter saperent; et infideles
quod tempus gratiae a legis tempore non discernerent,
quibus ideo dicit nihil mundum, quia et his
quae respuebantur [ al ., respuebant], et his quae sumebant
non sancte, non juste utebantur.
CAP. II.—1. LANFR. Ut doctrinam . Hoc ad omnia
superiora refertur, ex eo loco, quo dicit: senes ut
sobrii sint .
2. Ornent in omnibus . Ornamentum doctoris est
honesta vita discipulorum.
3. Apparuit enim omnibus . Quasi diceret: Doctrinam
Christi ornare oportet omnis cui gratia Dei,
id est remissio peccatorum, et vita aeterna in promptu
est, omnibus ornantibus eam.
|
|