6. Fides est habitus, cum quo aliquis credit id esse uerum, quod
non sentit nec intelligit.
7. Spes est habitus, cum quo aliquis sperat ueniam a Domino
dari et gloriam, et confidit se in suo bono et potenti amico.
8. Caritas est uirtus, cum qua habens propria bona illa facit
communia.
9. Patientia est habitus, cum quo patiens uincit, et non uincitur.
10. Pietas est habitus, cum quo pius dolet de dolore proximi sui.
11. Auaritia est habitus, cum quo diues est pauper et mendicat.
12. Gula est habitus, cum quo gulosus est incarceratus in
posterum in infirmitate et paupertate.
13. Luxuria est habitus, cum quo homo utitur suis potentiis
indebite et contra matrimonium.
14. Superbia est habitus, cum quo homo superbus conatur
hominibus superesse; et est contra humilitatem.
15. Accidia est habitus, cum quo accidiosus condolet de bonis
alterius, et congaudet de malis illius.
16. Inuidia est habitus, cum quo inuidiosus appetit iniuste bona
alterius.
17. Ira est habitus, cum quo iratus ligat suam deliberationem et
libertatem.
18. Mendacium est habitus, cum quo mendax fatur siue testatur
contra rei ueritatem.
19. Inconstantia est habitus, cum quo inconstans est multifarie
uariabilis.
Dictum est de nouem subiectis. De quibus artista potest habere
notitiam, discurrendo ipsa per principia et regulas huius Artis.
X
Decima pars
Quae est de applicatione
Applicatio diuiditur in tres partes. Prima est, quando applicatur
implicitum ad explicitum. Secunda est, quando abstractum
|
|