dicatur — nec non et ipsi fratres seu ipsnm capitulum cum
voluntate et consensu dicti eorum prioris omnes pro se
ipsis ac nomine dicti capituli fecerunt constituerunt et ordinaverunt
magistros P et M et quemlibet eorum in sollidum,
ita quod non sit melior condicio occupantis, eorum et
cuiuslibet ipsorum et dicti capituli procuratores et nuncios
speciales, dantes et concedentes eisdem et cuilibet
eorum in sollidum plenam et liberam potestatem inpetrandi,
contradicendi, recusandi loca et iudices, cauciones pro
eis exponendi et recipiendi, alium vel alios procuratores
loco ipsorum constituendi seu substituendi, et generaliter
omnia et singula faciendi et exercendi que in predictis et
circa predicta fuerint oportuna, et promittentes se firmum
et ratum perpetuis temporibus habituros quidquid per dictos
eorum procuratores vel aliquem ipsorum substitutum
vel substitutos ab ipsis vel eorum altero factum fuerit in
premissis vel quolibet premissorum.
Quod quidem instrumentum exinde confectum ad
maiorem cautelam fecerunt conmuni sigillo eiusdem capituli
conmuniri.
Actum in capitulo, presentibus talibus testibus, anno
domini a nativitate m°. cc°. lxxxi°, indictione ix, die tali,
pontificatus domini Martini pape iiii anno ii.
d) Forma conmunis super eodem.
Universis presentes litteras inspecturis Thomas prior
et capitulum ecclesie Christi cantuariensis salutem et
sinceram in domino karitatem.
Universitati vestre tenore presencium innotescat, quod
nos facimus constituimus et ordinamus magistrum P procuratorem
et nostrum nuncium specialem, specialiter ad
inpetrandum et contradicendum pro nobis et nomine nostro
in romana curia tam litteras simplices quam legendas graciam
et iusticiam continentes, et ad eligendum et recusandum
|
|