Boncompagnus de Signa: Ysagoge

46


4 Facias ergo primo fundamentum idest pone salutationem, secundo
parietes videlicet narrationem, tercio tectum hoc est petitionem, et
sic triplici columpnarum munimine fultus domum hedificabis
invisibilem omni decore ornatam.
5 Nomina recipientium debent in salutatione premitti, quando
minor scribit maiori, vel par pari, et etiam maior minori, nisi
recipiens pertineat ad eius iurisdictionem, et premitte quedam
adiectiva que pertineant ad laudem recipientis, prout tibi unicuique
persone convenibile fuerit visum, quod et poteris videre in
salutationibus predictis.
6 Nam si commendares aliquem avarum de largitate, impudicum de
honestate, insipientem de sapientia, et si etiam ei ultra quam ei
conveniat aliquem commendaveris, magis malivolentiam quam
benivolentiam procul dubio captabis.
Memini enim me quendam sacerdotem vidisse qui omnes abstracto
salutabat bereto, per quod magis inimicitias quam amicitias
captabat, quoniam enim derisorie facere credebant.
7 Noli ponere aliquid quod pertineat ad laudem mittentis, nisi illud
notaret dignitatem vel officium, ut episcopus, cardinalis, et magister,
quoniam mittens se multum debet humiliare.
8 Nomina quidem mittentis et recipientis debes scribere integre nisi
poneres prenomen, vel recipiens bene cognosceret mittentem.
9 Scribe igitur proprium nomen per litteram crossam Q. et eum
ab utraque parte puncta puncto plano.
10 Si vero vassallus scribat domino vel minor maiori potest scribere
vv

Torna all'inizio