32. AMBROS. Sicut et Deus . Quoniam grave videbatur
ut quis remittat nocenti se, adjecit: sicut et
Deus dedit in Christo vobis .
CAP. V.—1. AMBROS. Quod est idolorum . Avaritiae
pondus in simili monstravit, idolorum servitutem
illam vocans, eo quod similiter a Deo averteret.
2. LANFR. Nemo vos seducat . Seducebant quidam
auditores suos, persuadentes eis quod, propter superiora
peccata, non amitteret homo vitam aeternam.
3. Fructus enim lucis . Illuminati inquit, hominis
fructus est omnis bonitas et justitia, et veritas, praemisso
genere sibi [ f. , ibi] junxit species, et justitiam;
quidam in operibus veritatem intelligi vult in cogitationibus
et sermonibus.
4. Omnia autem quae aguntur . Causam reddit cur
dixerit magis autem redarguite . Omnia enim peccata
hominum praedestinatorum ad vitam aeternam, quae
aguntur a lumine, id est, a justo spirituali homine,
confessione manifestantur; omne autem quod in
confessione manifestatur, lumen est, id est, facit
eum lumen, qui manifestatur. Et recte quidem dictum
est, sicut enim patratio sceleris tenebras,
sic ejus confessio lumen facit.
5. AMBROS. Omnia autem quae aguntur . Dictum est
hoc ab Apostolo non integre. Nam dicens quia manifestantur,
quod sequebatur silentio tradidit, id
scilicet quod possit ipsa manifestatio adjuvare. Omnis
|
|